Республика олимпиадасында уңыш

Укучыларның Ю.А. Гагарин исемендәге Кубокка олимпиадасы Башкортстанда 2011нче елдан бирле үткәрелә. Гагарин олимпиадасында катнашу гимназиядә 1-8 сыйныф укучылары өчен күркәм традициягә әверелде. Бу үз сәләтеңне күрсәтү һәм төрле фәннәр буенча белемнәрне күрсәтү өчен менә дигән мөмкинлек. Олимпиада йомгаклары буенча БР Балтач районы МР иң яхшы белем бирү учреждениесе дип янәдән Иске Балтач 2нче урта  мәктәбе танылды (директоры - Азамат Мәгъзүмов ). Бүләкләү тантанасына чакырылганнар: Әхкамов Әмир (8 сыйныф) - физик культура буенча призер, Әхмәтшин Артур (4 сыйныф) - физик культура буенча призер, Пушкарская Юлия (7 сыйныф) - җәмгыять белеме буенча призер, Таһиров Әнвәр (6 сыйныф) - тарих буенча призер, Фәттахов Эмиль (6 сыйныф) - җәмгыять белеме буенча призер.

Олимпиадада катнашучыларны һәм призерларның тырышлыгы нәтиҗәсе бу.