Нәниләр күңеленә игелек орлыкларын чәчү— эш ысулы

Кызлары мәктәпне алтын медальгә тәмамлаганнар.

Һөнәр сайлаганда газизләре фикеренә колак салала. Өлкәннәре Аделина Уфа фән һәм технология университетының “Геофизика” факультетында укый. 5нче курста. Азалия исә Казан тикшерү-технология университетының “Социология” факультетында белем ала. Кечеләре Тимур 8нче сыйныфта укый. Уллары әтисенең беренче булышчысы. Ә ир-егеткә җитмеш төрле һөнәр дә аз, диләр. Аерым йорт белән яшәгәч кош-корт, тана-үгез карау табигый.

Хатын-кызның бихисап мәшәкатьләренә өлгерү белән бергә Чулпан Ким кызы эшен дә җиренә җиткерергә тырыша. Балаларга рус, татар җырлары өйрәтә. Балаларны бер-берсенә ылыктыру өчен коллектив җырлар өйрәтүне, уеннарга җәлеп итүне хуп күрә. Балалар музыканы тоярга, җырларны тиешенчә башкарганда  рухи яклап үсәләр дә. Күп телдә җырлар өйрәнү балаларны камилләштерә. Телефон-гаджетлардан балаларны аерырга, үзара аралаштырып, дөнья матурлыгын күрергә әйди белгеч...