Түбән Иванай авылының «Әкият» балалар бакчасы филиалында «Шорыкйол» йола бәйрәме үтте

Балаларга бәйрәм турында мәгълүмат бирелде: аның тарихы, мари милли мәдәнияте, кунакчыллык традицияләре турында сүз алып барылды.

 Балалар һәм балалар бакчасы хезмәткәрләре бәйрәмгә туры килгән Васли кугыз һәм Васли кува киемнәрен киеп, күңелле җырлар җырладылар, уеннар уйнадылар, «аркан» биюен биеделәр. Бәйрәм ахырында милли ризыклар белән чәй эчтеләр.

Бик күңелле, нәтиҗәле итеп вакыт үткәрделәр. Мари милли атмосферасына күмелү бик кызык булды. Чөнки дөньяга мәхәббәт үз халкының гореф-гадәтләренә һәм чыганакларына мәхәббәт аша килә.

Алена Фархутдинова, тәрбияче

Автор фотолары