Балтачта балалар иҗаты үзәгендә Яңа елны көтеп алалар

Балалар һәм үсмерләр "Безгә бәйрәм килә!" дигән чарага җыелдылар.

Барыбызның да яраткан һәм әкияти бәйрәме — Яңа ел якынлаша. Яңа ел бәйрәме алдыннан балалар иҗаты үзәгендә "Кыш Бабай остаханәсе" дигән чара үтте. Педагоглар тарафыннан чыршы уенчыклары һәм Яңа ел символлары ясау буенча төрле иҗади мастер-класслар оештырылды.

Барысы да бик мавыгып эшләделәр һәм үз осталыкларын күрсәттеләр. Шулай ук балалар уен дөньясына, күңелле һәм мавыктыргыч сәяхәткә юлландылар, анда балалар үзләренең җитезлекләрен, тизлеген, зирәклеген һәм чыдамлыгын күрсәттеләр. Бәйрәм флешмобы үткәрелде, балалар бәйрәм кәефе атмосферасына чумдылар һәм күңел күтәренкелеге алдылар.