Балтач районы прокуратурасы мәктәпләрдә экстремистик эшчәнлеккә каршы законлылык үтәлешен тикшерде

Район прокуратурасы мәгариф учреждениеләрендә мәгариф турындагы һәм экстремистик эшчәнлеккә каршы тору законлылыгы үтәлешенә тикшерү үткәрде.

Район прокуратурасы мәгариф учреждениеләрендә мәгариф турындагы һәм экстремистик эшчәнлеккә каршы тору законлылыгы үтәлешенә тикшерү үткәрде.

Тикшерү барышында кайбер белем бирү учреждениеләрендә мәгариф процессына кагылышы булмаган Интернет-ресурсларга үтүне чикләү тулы күләмдә тәэмин ителмәгәнлеге ачыкланды. Ә бу балаларны нормаль тәрбияләүгә зыян салырга һәм тыелган материалларны таратуга булышлык итәргә мөмкин.

Мәгариф учреждениеләрендәге компьютер классларындагы компьютерларны тикшергәндә РФ Юстиция министрлыгының рәсми сайтында урнаштырылган экстремистик сайтларның федераль исемлегенә кертелгән һәм суд карары белән экстремистик дип табылган сайтларга урнаштырылган мәкаләләргә Интернет аша чыгу очраклары теркәлгәнлеге ачыкланды.

Тикшерүләр нәтиҗәләре буенча 6 мәктәп директорына карата представлениеләр чыгарылды. Алар каралып. Канәгатьләндерелде, бозулар бетерелде.

Динар ХӘЙРУЛЛИН, район прокуроры ярдәмчесе, 1 класслы юрист.

Фото Интернет челтәреннән.

Читайте нас