-5 °С
Болытлы
Барлык яңалыклар
Мәгариф
1 март 2019, 18:06
Балтачта "Ватан сакчылары, алга!” республика спорт уенының мунципаль этабы узды
Балтачта узган "Ватан сакчылары, алга!” республика спорт уенының муниципаль этабында Иске Балтач беренче санлы урта мәктәбе "Виктория" командасы җиңү яулады.
Ватан сакчылары, алга!” республика спорт уены безнең районда өченче ел рәттән үткәрелә. Быел аның муниципаль этабында 16 белем бирү учагыннан 112 укучы катнашты. Район мәдәният сараенда үткәндә бәйгедә башлангыч сыйныф укучылары көч сынашты.
Әлеге чара укучыларда патриотик хис тәрбияләү, сәламәт яшәү рәвешен пропагандалау, төрле шартларда дөрес карар кабул итү максатыннан оештырыла. Уен балалар арасында зур популярлык яуларга өлгергән дә инде. Укучылар hәммәсе дә күтәренке кәефтә, барысында да җиңүгә омтылыш зур. Чараның флагын күтәрү хокукы узган елда җиңү яулаган команданың вәкиле — Иске Балтач 1нче урта мәктәбе укучысы Ләйлә Шәймөхәмәтовага тапшырылды. Баш судья— район мәгариф бүлеге методисты Илназ Әхмәтов балаларны сәламләп, уенның шартлары, бәйгеләр гадел булуын, көчлеләрнең җиңүен теләде.
Әйтергә кирәк, бу бәйге бары тик башлангыч сыйныф укучылары арасында оештырыла. Чираттагысына Тучыбай мәктәбеннән тыш, барлык белем учакларыннан да укучылар килде. Таныштыру биременә 16 команданың hәрберсе зур әзерлек белән килде. Нөркә урта мәктәбе укучыларының шигырь сөйләүләре, Югары Карыш урта мәктәпләренең биюләре үзенчәлекле булды. Район үзәгенең башлангыч мәктәбе исеменнән чыгыш ясаган Илназ Сәитгалиевның җыры дә чагу номер буларак хәтердә калды. Гомумән алганда, хәрби җырлар, җитез биюләргә бай булды әлеге тамаша. Кызларның сыгылмалылыгы, ир балларның җитезлеге сокландырды.
Укучылар каршылыклар полосасын үтте, дөрес ориентир сайлау, юл йөрү кагыйдәләрен белү буенча ярышты.
Экология белән бәйле сорауларга җавап кайтардылар. Роботехника өлкәсендәге мәгълүматларын сынап карадылар. Капитаннар өчен махсус конкурслар оештырылды.
Барлык сынауларны үткәннән соң, җиңүчеләр билгеләнде. Иске Балтач 1нче урта мәктәбе командасы „Ватан сакчылары, алга!” уенының муниципаль этабында җиңүче булды. Иске Балтач 2нче урта мәктәбе командасы икенче урын яулады. Нөркә мәктәбе укучылары өченче урынга чыкты. Чарада катнашкан укучыларның hәммәсенә сертификатлар тапшырылды.
Читайте нас:
Редакцияне сайлау
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571