+13 °С
Болытлы
Барлык яңалыклар
Мәгариф
23 ноябрь 2018, 18:45
Штәнде урта мәктәбе укучысы Русиянең 100 инша авторы буларак танылган
Штәнде урта мәктәбенең 11нче сыйныф укучысы Ирина Хакова, Бөтенрусия иншалар конкурсы-2018 бәйгесендә катнашып, Русиянең иң яхшы 100 инша авторы буларак танылган.
Бөтенрусия иншалар конкурсы-2018 бәйгесендә катнашып, Штәнде урта мәктәбенең 11нче сыйныф укучысы Ирина Хакова, Русиянең иң яхшы 100 инша авторы буларак танылды. Шушы көннәрдә алдынгы укучы рус теле hәм әдәбияты укытучысы Альбина Фәссахова белән Мәскәү шәhәрендә тәбрикләү тантанасында булып кайттылар.
Ирина Хакова укытучысы җитәкчелегендә „Минем белән сөйләш әле, солдат” дигән темага инша язган. Эшендә авылдашы— Әфган солдатының кичерешләрен тасвирлаган. Сугыштан соң да үз-үзен югалтмаган солдатның тыныч тормышта балалар үстерүе, эшендә алдынгы сафта булуы чагылыш тапкан. Инша локаль сугышка бәйле саннар, фотографияләр, истәлекләр белән баетылган.Үзенең якын дустын югалткан мәлләр, 200нче йөк хакында телгә алынган. Тынычлыкның кадерен белергә өндәү сызык өстенә алынган
Конкурс дүртенче тапкыр үткәрелә. Аны Русиянең Мәгариф министрлыгы каршындагы гомум белем бирү өлкәсендәге дәүләт сәясәте департаменты оештыра. Ирина Хакованың иншасын республикада гына түгел, илебез башкаласында да югары бәhалыйлар. Экспертлар билгеләвенчә, 10-11 сыйныф укучылары арасында язылган иншалар арасында райондашыбызның эше үзәккә үтә торганнарның берсе була. Җиңүчеләрне Русия Федерациясенең Һәмәгать палатасында котлау чарасына чакыралар. Мәскәүгә 61 субъекттан иң яхшы инша авторлары җыела.
Алдынгы укучыларны РФ Мәгариф министры урынбасары Татьяна Синюгина тәбрикли. Авырлыклардан курыкмый, hәрвакыт алга барырга өнди. Конкурс һиңүчеләренә истәлекле бүләк — бәйге символикасы белән статуэтка hәм 100 иншаны үз эченә алган һыентык тапшыралар.
Илнең иң талантлы укучылары белән бер мәйданга җыелу зур шатлык булса, илебез башкаласына бару, истәлекле урыннар буйлап сәяхәт кылу, Мәскәү планетарийында булу Ирина Хаковага гомерлеккә онытылмаслык тәэссоратлар өстәгән. Киләчәктә сәламәтлек саклау өлкәсе белән язмышын бәйләргә ниятләгән Иринага алдынгы сафларда атларга насыйп булсын.
Читайте нас:
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571