Өлкән сыйныф укучыларын нәрсәләр борчый?

Расланган график буенча дәвам иткән җыелышларда район Хакимияте башлыгының социаль һәм кадрлар мәсьәләләре буенча урынбасары Фирдәвис Рәхимов, мәгариф бүлеге начальнигы Зәлифә Мәгъзүмова, балигъ булмаганнар эше һәм аларның законлы хокукларын яклау комиссиясе җаваплы секретаре Раушания Шәяхмәтова, эчке эшләр бүлегенең балигъ булмаганнар эше инспекторы Гөлшат Дәүләтова, прокурор ярдәмчесе Динар Хәйруллин, үзәк дәваханә педиатры Луиза Хаҗимуллина, опека һәм попечительлек секторы мөдире Гөлфирә Хәйруллина, Иске Балтач урта мәктәпләре психологлары Гүзәл Вәлиева һәм Руфина Субушевалар катнаша.

Һәр заманның үз кыенлыклары, үзенчәлекләре булган кебек, бүген мәктәпләрнең өлкән сыйныфларында белем алучыларның да алдында төрле сораулар торадыр. Уку, алда торган җитди имтиханнар, һөнәр яки белгечлек сайлауга кагылышлы, гаилә мөнәсәбәтләренә бәйле һәм башка сорау, мәсьәләләр борчый икән, белгечләргә күңелеңдәгене ачып салырга уңайлы мөмкинлек бар. Тәҗрибәле абый-апалары үсмерләргә дә, ата-аналарга да ярдәмгә килергә әзерләр.