Карак-мутлашучының төрле ысуллары бар

Республика буенча Эчке эшләр министрлыгының беренчел мәгълүматларына караганда, мессенджерда гражданканың эш урыныннан хәбәр  килгән. Анда хатын-кызга «архив цифровкасын» узарга кирәк дигән хәбәр булган, чөнки ул эшләүче пенсионер булып тора, шулай ук Чат-ботка сылтама, анда мәгълүматларны цифровкалауны ничек узарга кирәклеге турында аңлатканнар. Аннары «әгәр бу Сез булмасагыз, дәүләт хезмәтләре порталына сылтама буенча күчегез»дигән гыйбарә яктырды. Аннары билгесез номердан шалтырату килде. Шалтыратучы зыян күрүчегә аның дәүләт хезмәтләре порталындагы аккаунты ватылуы һәм мошенниклар барлык шәхси мәгълүматка керү мөмкинлеге алуы турында сөйләгән, гариза бирүче моңа ышанган. Якынча бер-ике минуттан тагын бер шалтырату килә. Аферист үзен «Федераль казначылыкның төп эксперты» дип таныштырды һәм янәсе ФСБ дустанә булмаган илгә ярдәм итү буенча җинаять эше кузгаткан, дип хәбәр итте. Шәһәр кешесе яңадан ышана һәм мошенникларның барлык күрсәтмәләрен үти башлый. Банкта кредитлар рәсмиләштерүне булдырмау һәм җинаять җаваплылыгыннан качу сылтавы белән аферистлар акчаны «куркынычсыз счетка " күчерергә тәкъдим итәләр. Шуннан соң зыян күрүче үзенең барлык акчаларын 5 млн 824 мең сум күләмендә күчергән. Әлеге акчалар ул 10 ел дәвамында җыйган шәхси акчалары булган. Банкларда ничек шундый зур суммада акча биргәннәр дигән сорауга ул башта акчаны янәсе фатир сатып алу өчен алган, аннары бүләкләр өчен, ә соңыннан үзенең барлык алтын-көмеш бизәнү әйберләрен саткан, дип җавап бирә.

Бернинди "куркынычсыз счёт" булмый. Таныш булмаган телефонны алмаска кирәк. "Оцифровка" ясау турында хәбәр килсә, бернинди ссылка-сылтама буенча үтмәскә кирәк. Полиция, ФСБ хезмәткәре дип үзен таныткан кеше булса, телефонны өзеп куярга кирәк. "Оцифровка үтәргә" тиеш дип мошенниклар белән элемтәгә кергән башка  хатын белән шундый очрак була. Анда чат-бот булдырганнар һәм "старт" сүзенә баскач, алты сан килеп чыккан. Имештер хезмәттәшләре булып язганнар. Оештырылган төркемдә хезмәттәшләре аралаша (тик бу аралашуны чын коллегалары түгел, мутлашучылар үзләре язган булып чыга). Иптәшләре алты санны җибәргәч, бу хатын да саннарны чатка язып җибәрә. Мутлашучылар, шатланып: " "Госуслуги"дан паролегезне яздыгыз, хәзер өйсез, акчасыз каласыз,-дип яман сүзләр язып хатынны чыгырыннан чыгаралар. Кем шалтыратканын белми, беркемнең кушуы буенча БЕРНИ башкарырга ЯРАМЫЙ. Алар эшләми генә акчалы булырга тели. Хәләл акча эшләргә  кулларыннан килми, шуңа башкаларны таларга төрле юллар эзләп табалар. Сак булыгыз. Иң яхшысы,  танышларыгыз белән генә аралашыгыз. Телефоннан боерык бирәләр, куркыталар икән белегез: бу мутлашучы мошенниклар. Хәзер заман шундый. Хәтта  якыннарының видеолары белән искуственный интеллект  кулланып акча сораган очраклар турында телевидениедә сюжетлар күрсәтелә. Кат-кат тикшереп кенә адым ясый торган вакытлар җитте...

Мәкаләдә Башинформ мәгълүматы кулланылды.