Күңелгә илһам өсти

 Балалар сәнгать мәктәбе кучылары бу чарада актив катнашып, үзләренең сәләтләрен һәм осталыкларын күрсәттеләр. Сәхнәдә яраткан Яңа ел көйләре яңгырады. Рая Хамаева җитәкчелегендәге "Кыңгыраулар" вокаль ансамбле бәйрәм җырларыннан попурри тәкъдим итте. Юлия Хаматова һәм Индира Фәйзрахманованың ялгыз чыгышлары кичәне аеруча бизәде.Рәзидә Әхмәтова җитәкчелегендәге "Капели" балалар вокаль ансамбле "Яңа ел җырын"башкарды.  "Зөлфия" үрнәкле бию ансамбленең кече төркеменнән яшь талантлар (җитәкчеләре Раушания  Хәсәнова ) "Вот здорово" һәм "Кнопочки"эстрада биюләре белән тамашачыларны сөендерделәр. Шул ук коллективның урта төркеме колоритлы" Русский казачий " биюен тәкъдим итте. "Нью данс"үрнәкле бию коллективы чыгышлары да шул ук дәрәҗәдә якты булды. Урта группа җиңел һәм шаян "Урман полькасы" башкарды, кече группа "Яулык" биюе белән барысын да сокландырды, ә өлкән группа грациоз "Кызлар биюе"н тәкъдим итте. Бу тылсымлы кичне Арина һәм Тамерлан Шәйхлисламовлар "Яңа ел килә" җырын башкарып тәмамладылар, ул бәйрәм рухы бизәкләре өстәде.