Район мәдәният сарае хезмәткәрләре Иске Тимкә урта мәктәбендә “Көйне таны” музыкаль уен-конкурсы үткәрделәр. Чара мәктәп укучылары арасында “Пушкин картасы” проектын гамәлгә ашыру кысаларында узды.
Беренче турда көйләрне уенның барлык катнашучылары да белде. Алар арасыннан көйләрне белгән иң яхшы 3 уенчы сайлап алынды. Алдагы турларда, уенчылар саны кимеде. Нәтиҗәдә, 11нче сыйныф укучысы – Динара Кашапова җиңүче булды.
Моннан тыш, Динара тагын суперприз да отты! Аңа 60 секунд эчендә 7 көйне танырга кирәк иде. Бу биремне ул 27 секунд эчендә башкарды һәм район мәдәният йорты кинотеатры билетына ия булды.