Моңлылар җырлап остара

Осталар җырлый-җырлый сәләтләрен камилләштерә. Ә конкурсларда җырлау серенә төшенә кебек. Районныҗ балалар сәнгать мәктәбендә шөгыльләнгән укучылар бу ысул белән яхшы таныш.

10нчы ноябрьдән 11нче ноябрьгә кадәр Туймазы шәһәрендә башкорт озын җырын башкаручыларның «Оскамон көй»төбәкара конкурсы булып узды. Иҗат бәйге талантлы халык җырчыларын ачыклау һәм пропагандалауга, "Озын көе"нең башкару традицияләрен торгызуга һәм үстерүгә, җирле башкорт җыр фольклорын торгызуга юнәлдерелгән. Безнең мәктәп укучыларын һәм укытучыларын конкурста уңышлы чыгыш ясаулары белән котлыйбыз. Галиев Әскәр, Солтангалиева Сөмбел (укытучы Башкортстанның атказанган мәдәният хезмәткәре  Рая Мәснәви кызы Хамаева), Гайфуллин Данис, Шәйдулов Данис (укытучы Рәзидә Гайнетдин кызы Әхмәтова) һәм концертмейстер Башкортстанның атказанган мәдәният хезмәткәре  Наил Хафиз улы Галләмов безнең районны лаеклы тәкъдим иттеләр.

Дипломнарга лаек якташларыбыз киләчәктә дә уңышларга ирешер. Уку елы башы бит әле. Очар канатларыгыз талмасын.