Күп истәлекләр калдырган җәй

Менә җәйнең соңгы ае ахырына якынлашты. Җәйге өч ай узып китте, ләкин бик күп истәлекләр калдырды. Бу вакыт яшьләр өчен төрле чараларга һәм ярышларга бай булды. Һәм менә җәйге сезон азагында Иштирәк авылы Мәдәният йортында «Эссе җәй, хуш!» бию-күңел ачу кичәсе узды. Программада катнашучыларны мавыктыргыч, кызыклы бию һәм хәрәкәтчән уеннар, шулай ук күңелле музыка һәм бию конкурслары көтә иде. Яшьләрдә “Прыг-скок”, “Фламинго”, “Кайдадыр ак дөньяда?”, “Бию разминкасы”, “Меняйся”, “Күңелле стартлар” һәм башка шундый мавыктыргыч конкурслар һәм күңел ачулар күп булды. Кичә узып баручы җәйнең якты вакыйгасы булды, яшьләр күтәренке күңел һәм уңай энергия алды, чөнки алда яңа уку елы, анда күп көч һәм тырышлык таләп ителә.