Каргалыда күренекле композитор Алик Локманов халыкка бәйрәм бүләк итте

Сәгатьләр дәвамында үткән чарада, кызу көн булуына карамастан, халык  якташыбыз Алик Локмановны хөрмәтләде. Илаһи бәйрәмдә иҗат җимешләре - җырлар яңгырады. Тамашачылар дәррәү алкышлады.

Район Хакимияте башлыгы Илгиз Субушев  юбилярның иҗаты белән соклануын, күренекле якташыбыз белән горурлануын әйтте. Ихлас теләкләр җиткереп, бүләкләрен тапшырды. Илгиз Әхвәс улы форсаттан файдаланып халыкны Корбан гаете уңаеннан котлады.

Моң бәйрәмендә танылган җырчылар катнашты. Авыл халкы корбанлык итеннән пешерелгән аштан авыз итте. Кичке сәгатьтә чарага матур фейерверк- салют нокта куйды. 

 Чара турында тулы мәкаләне алдагы саннарда укырсыз.