Мата авыл мәдәният йортында көлке көненә багышланган күңелле уеннар һәм конкурслар узды.

Беренче апрель - шаяру, көлү, бер-береңне алдау көне буларак билгеләп үтелә.

Мата авыл мәдәният йортында дөньякүләм көлү көненә багышланган күңелле уеннар һәм конкурслар узды.  Балалар шулай ук викториналарда актив катнаштылар, үзләренең иҗади сәләтләрен күрсәттеләр һәм үзләрен “Йорт хайваннары” әкият-сәхнәсендә чын артистлар итеп хис иттеләр. Балалар бик күп уңай хис-кичерешләр алдылар һәм канәгать калдылар.

Көлү кешегә көч-куәт, дәрт өсти, оптимист булырга этәрә. Әгәр бу көнне сездән көләләр, сезне алдыйлар икән, бигайбә! Үпкәләштән булмасын. Мондый күңелләрне шатлык хисләре белән тулыландырган көн елга бер генә ул. Шуңа да бу мөмкинлекне кулдан ычкындырмый елмаегыз-көлегез һәм аның сәламәтлек өчен файдасы күп булуы хакында да онытмагыз.