Балтач үзешчәннәре Хәния Фәрхи моңнарын дәвам итә

Май аенда Башкортстанның Тәтешле районында танылган җырчы, актриса, композитор, Татарстан Республикасының Халык артисты Хания Фәрхи истәлегенә багышланган «Онотолор тимә...» дип исемләнгән II Төбәкара интернет-конкурс үтте.

Май аенда Башкортстанның Тәтешле районында танылган җырчы, актриса, композитор, Татарстан Республикасының Халык артисты Хания Фәрхи истәлегенә багышланган «Онотолор тимә...» дип исемләнгән II Төбәкара интернет-конкурс үтте.

Бәйгедә Балтач районыннан конкурсантлар Гүзәл Әхмәдьянова, Әлфинә Нуркаева, Гөлназ Шәрифуллина катнашты. Алар һәркайсы татар эстрадасы легендасы, кабатланмас моң иясе Хәния Фәрхи репертуарыннан бер җыр тәкъдим итте.

Гөлназ Шәрифуллина 3 дәрәҗә лауреат булды;

Әлфинә Нуркаева 3 дәрәҗә Диплом белән бүләкләнде;

Гүзәл Ахмедьянова интернет-тавыш бирү буенча иң күп лайк җыеп, "Тамашач сөюе призы" номинациясендә җиңде.

—Хәния Фәрхи җырларын яратып тыңлыйм һәм яратып башкарам. Конкурсантлар барысы да көчле иде, тырыштылар. Әмма дә ләкин Хәния апаның тавышы кебек дәрәҗәдә җыр башкаручы булмады дисәм дә була, татар эстрадасында ул берәү генә иде. Шулай булырга тиеш тә. Артабан да анын истәлегенә конкур лар булып торсын. Безнең йөрәкләрдә аның моңы, аның ситәлеге мәңге сакланыр,- ди Әлфинә Нуркаева.

Дәрәҗәле бәйгедән матур җиңүләр белән кайткан райондашларыбызны котлыйбыз! Алдагы елларда сәламәт булып, зуррак бәйгеләрдә чыгышлар ясап, тагын да биегрәк үрләр яулауларын телибез!