Балтач сәхнәсендә “Гөрләвекләр” отчет тотты

Балтачлыларга «Гөрләвекләр» үрнәкле балалар бию коллетивы бәйрәм кәефе өстәде.

«Гөрләвекләр» үрнәкле балалар бию коллетивы балтачыларга бәйрәм кәефе өстәде. Кичә район мәдәният сарае сәхнәсендә гөрләвеклеләр отчет концерты белән чыгыш ясады.

30 апрель киче... Иске Балтач мәдәният сарае тирәсендә шундый җанлылык. Кемдер җәяү, икенчеләр җиңел автомашинада җилдерә, барысы да тамашага ашыга. Шулай булмый ни, кемнең сөекле улы, кызы, кемнеңдер оныгы чыгыш ясый бит.

Залда утыручыларның һәммәсе дә сәхнәдән күзен ала алмады. Бию дөньясына кергән тамашачылар матур концертны тын да алмыйча карадылар. Сәхнәдә йөздән артык биюче. Төрле халык биюләрен башкарган гөрләвеклеләр сәхнәне дер селкетте.

Искиткеч матур концерттан соң биючеләргә һәм гөрләвеклеләрнең остазы Гөлназ Галләмовага район мәдәният сарае директоры Гөлннара Шәймөхәмәтова рәхмәт белдерде.