Янтимердә җәй бәйрәмен башлап җибәрделәр

Районда җәйнең беренче бәйрәмен быел Янтимердә башлап җибәрделәр.

Районда җәйнең беренче бәйрәмен быел Янтимердә башлап җибәрделәр.

Дүшәмбе көнне Янтимер авылында шаулап-гөрләп Семык бәйрәме үтте. Өстән яңгыр коеп торуга да карамастан, җыелган халык таралмады, күңел ачу дәвам итте. Бәйрәмгә килүчеләр уеннарда катнашты, концерт карап хозурланды.

Борынгыдан килгән бу бәйрәм 1994 елдан башлап Балтач районында район һәр ел саен район күләмендә үткәрелеп килә. Хәтта дини бәйрәмнәр тыелган елларда да ул үз кыйбласын югалтмады, халык аны саклап кала алды. Мари милләте вәкилләре яшәгән авылларда бәйрәмне яшерен рәвештә, барыбер, оештырып килделәр. Моның өчен ул чактагы авыл советлары рәисләре, урындагы партоешма секретарьлары шелтә алганнарын хәтерлидер әле.

Хәзер ул Сабан туе бәйрәме традицияләрен дә үз эченә ала. Сабан туендагы кебек, ат чабышыннан тыш, төрле уеннар, спорт ярышлары оештырыла бу бәйрәмдә. Гадәттәгечә, бәйрәм мариларның “Аркан ишү” биюе белән тәмамлана.