Балтачлыларны “Әтиләр көне” тантанасында көтәләр

Иртәгә район мәдәният сараенда 19:00 сәгатьтә, алдагы "Әтиләр көне" уңаеннан, районыбызның үрнәкле . әтиләрен хөрмәтләячәкләр.

Күп илләрнең бәйрәмнәр календаренда Әтиләрне хөрмәтли торган махсус көн бар.

Ватанны саклаучылар көнендә без дә әтиләрне хөрмәтлибез дә инде, дияр берәү. Ә бу бәйрәм тарихы олы йөрәкле бер әти белән булган хәлгә тоташа.

Әтиләр көне 1910 елда Америкадан башлангыч алган. Уильям Смарт исемле ир, хатыны алтынчы баласын тудыргач вафат булганнан соң, балаларын ялгызы тәрбияләп үсетрә. 1966 елдан башлап АКШта бу көн милли бәйрәмгә әверелә.

Әтиләр көнен июньнең өченче якшәмбесендә билгелиләр. Русиядә Әтиләр көнен 2014 елдан бәйрәм итә башладылар. Быел, район тарихында беренче тапкыр, бу бәйрәм Балтачта да билгеләнәчәк. Район мәдәният сарае хезмәткәрләре бәйрәм уңаеннан зур тантана әзерли. Бу көнне авыл җирлекләреннән килгән үрнәкле әтиләр хөрмәтләнәчәк.

Бүген бәйрәм хуҗаларын һәм тамашачыларны 19:00 сәгатьтә район мәдәният сараенда көтәләр.

Читайте нас