Тушкырлылар Чәй көнен үзенчәлекле билгеләделәр

Чәй — дөньядагы иң таралган эчемлек. Аны эсседә дә, салкында да, өлкәннәр дә, балалар да эчә.

Чәй — дөньядагы иң таралган эчемлек. Аны эсседә дә, салкында да, өлкәннәр дә, балалар да эчә.

Халыкара чәй көнен Тушкыр авылындагы күпфункцияле клубта үзенчәлекле чара белән билгеләделәр. Бу көнне “Самавыр чәйгә чакыра!” девизы астында авыл халкы чәйгә җыелды.

Табын түрендә парларын бөркеп самавыр утырды. Ә тирәсендә сый-хөрмәт: керәндилләр, сохари, һәм әлбәттә, шикәр...

— Чара барышында кунаклар чәй тарихы турында күп файдалы әйберләр ишеттеләр, викторина сорауларына җаваплар бирделәр, төрле бәйгеләрдә көчләрен сынадылар. Аннары җырлап-биеп күңел ачтылар,— дип хәбәр итә китапханә мөдире Венера Хәмәтнурова.