„Талантларның мең төсе”ндә балтачлылар икенче!

Республика Мәдәният министрлыгы, Халык иҗаты үзәге, Профсоюзлар федерациясе, БРның муниципаль җирлекләр Хакимияте оештырган хезмәт коллективлары үзешчән сәнгать осталарының „Талантларның мең төсе” дип исемләнгән республика смотр-чарасының йомгаклау өлеше Борай районы җирлегендә үтте. Район мәдәният бүлеге начальнигы Дамир Хәмәтов җитәкчелегендә балтачлылар төркеме уңышлы чыгыш ясап икенче урын белән билгеләнде.

Район Хакимиятенең информация-аналитика эше секторы мөдире Фиолида Глимҗанова белдерүенчә, район үзәгендәге оешма, предприятие, учреждение, шулай ук җирле биләмәләрнең үзешчән сәнгать осталары әзерләгән иң яхшы концерт номерлары тәкъдим ителгән чараның зона этабына.