“Башинформ”агентлыгында матбугат конференциясендә саннар китерелде. Аны эчке эшләр министры урынбасары Евгений Полтавец китерде. Аның сүзләренчә, зыян күрүчеләрнең 95% мошенникларның хәйләләре турында белгән, тик барыбер тозакка капканнар һәм үзләренең акчаларын кредит аферистларына биргәннәр.
-... Һәр тәүлек уртача - 25 факт, күбрәк тә, азрак та булырга мөмкин. Атна эчендә уртача фактлар саны - 125-130. Ниндидер алга китеш юк. Мәсәлән, ноябрь. Айның беренче атнасы - 60 млн сум, икенчесе - 34 млн, өченчесе - 43 млн, дүртенчесе - 75 млн. Декабрь: бер атнада - 42 млн сум, икенчесендә 46 млн сум биргәннәр. Күрәсең, нәрсәдер тиешенчә эшләнми, димәк, без һәр кешегә барып җитә алмыйбыз. - дип ассызыклады спикер.
Аферистларга ир-атлар ышанучан( 60 процент). 60 процент - хезмәткә сәләтле яшьтәге гражданнар, 65 яшьтән өлкәнрәк - 28 процент, 0дән 18 яшькә кадәр - зыян күрүчеләрнең 0,3 проценты. Мондый җинаятьләр, кызганычка каршы, күп очракта ачылмый кала..
Евгений Полтавец хәвефсезлекне онытмаска кирәклеген әйтә. Ят номерлы телефонны алмаска, алган очракта шунда ук кире куярга. Нервыларыгызны саклагыз.