Елаганы өчен сабыен үтергән Әбҗәлил районы хатын-кызына нинди җәза бирелер?...

Прокурор кансыз ананы 15 елга хөкем итүне сорый...

Тикшерү версиясе буенча, 2020 елның 4 декабренә каршы төндә Әбҗәлил районында яшәгән 23 яшьлек хатын- кыз Магнитогорскида сагында, елаудан туктамаганы өчен, үзенең алты айлык кызына бик нык ачуланган.

— Тикшерү барышында ачыкланганча, хатын баланы кулына ала һәм, аңлы рәвештә, кухня бүлмәсенең ишек яңакларына ташлый, нәтиҗәдә, кыз башы белән ишек кырына бәрелә һәм идәнгә егылып төшә, — дип аңлата төбәк прокурорының өлкән ярдәмчесе Наталья Мамаева.

Җинаять кылган вакытта ана кеше исерек булган. Аның кечкенә кызы 10 декабрьдә Магнитогорскның ана һәм балачакны саклау үзәгендә вафат була. Үлем сәбәбе — баш мие кан әйләнеше бозылу.

— Җинаять кылган вакытта хатын - кыз хөкем электән ителмәгән, элек кече яшьтәге кызларына карата ата-аналар вазифаларын тиешенчә үтәмәгән өчен административ җаваплылыкка тартылган, көнкүрештә спиртлы эчемлекләр кулланучы кеше буларак кире бәяләнгән, - дип өстәгән Наталья Мамаева.

Әнисе судта ана гаебен танымаган һәм балага махсус җәрәхәт ясамавын белдергән. Аның версиясе буенча, ул кызын саксызлык аркасында үтергән, дип яза ufa_online24.