Балтач таңнары
-23 °С
Болытлы
Барлык яңалыклар
Хокук
12 июль 2017, 01:17

Иртәгәдән Русиядә балаларны машинада утыртып йөртү яңа кагыйдәләр буенча башкарыла

Русиядә 12 июльдән балаларны машинада утыртып йөртү кагыйдәләре үзгәрә.

Русиядә 12 июльдән балаларны машинада утыртып йөртү кагыйдәләре үзгәрә, дип хәбәр итә ТАСС.
Хәзер яңа кагыйдәләр нигезендә 7 яшькә кадәр булган балаларны ялгызларын гына автомобиль салонында калдырырга ярамый. Тукталышта калдырылган машина эчендә 7 яшькә кадәрге ялгыз бала булганда, ЮХИДИ хезмәткәрләре машина йөртүчене административ җаваплылыкка тарттырачак.
Яңа кагыйдәләр нигезендә, 7 яшьтән өлкәнрәк баланы, махсус утыргычка утыртмый да, хәвефтән саклау каешы белән эләктереп йөртергә рөхсәт ителә. Кече яшьтәге балаларны махсус утыргычта йөртү мәҗбүри. Шул ук вакытта 12 яшьтән кече балаларны мотоциклның арткы утыргычында йөртү рөхсәт ителми.

Чыганак: tatar-inform.tatar.