Суык булса мәктәпкә кем бармый кала ала?

Башкортстанда мәктәптә нинди температурада дәресләрне укутуны туктату яки дистанцион укыту мөмкинлеген искә төшерделәр. Мәктәп тышкы һаваның теләсә нинди температурасында эшли һәм көчле салкыннар аркасында дәресләргә йөрүне туктату турындагы карарны һәр мәктәп һава шартларын исәпкә алып мөстәкыйль кабул итә.

Башлангыч сыйныфларда-авыл мәктәпләрендә дәресләр — 23 С тан түбән температурада, шәһәр мәктәпләрендә-25 С тан түбән температурада туктатыла. Авыл мәктәпләрендә 5-9 сыйныфларда дәресләр 25С нульдән түбән булганда, шәһәр мәктәпләрендә 27С суык булганда туктатыла. Авыл мәктәпләренең өлкән сыйныф укучылары һава температурасы 30 С булганда, шәһәр мәктәпләрендә 32 С булганда дәресләргә йөрмәскә мөмкин. Кышкы чорда ачык һавада физкультура дәресләре, санитария нормалары һәм кагыйдәләре нигезендә, башлангыч сыйныф укучылары өчен һава температурасы өч градустан түбән булмаган һәм җил тизлеге секундына 6-10 метрдан артмаган очракта гына рөхсәт ителә, өлкән сыйныф укучылары өчен — минус 10 градустан түбән булмаган һәм секундына 6-10 метрдан көчлерәк җил булмаган очракта гына. Төбәк мәгариф министрлыгында билгеләп үткәнчә, ата-аналар балага көчле суык вакытында дәресләргә барыргамы-юкмы икәнен үзләре хәл итә. Әгәр укучы өйдә кала икән, бу хакта класс җитәкчесенә алдан хәбәр итәргә кирәк.