Комиссия үз эшен башлады

Бүген, 3 август көнне,  Балтач районы территориясендә белем бирү оешмаларының яңа 2022-2023нче уку елына әзерлеген тикшерү буенча ведомствоара комиссия үз эшен башлады.

Бу комиссиягә Дәүләт автоинспекциясе вәкилләре дә керә.

Районның ЮХХДИ бүлеге хезмәткәрләре урам-юл челтәре, юл хәрәкәте иминлеге паспортларын һәм укучыларның хәвефсез хәрәкәт итү маршрутларын яңарту, хәвефсезлек почмакларын комплектлау, юл хәрәкәте кагыйдәләре буенча мәйданчыклар һәм кабинетлар булу-булмауны тикшерәчәкләр.

Айгөл АРСЛАНОВА,

Русия Эчке эшләр министрлыгының Балтач районы

буенча бүлегенең ЮХХДИ бүлекчәсенең

пропаганда буенча инспекторы.