Балтач районында Сәйтәк, Илекәй авылларына су басу куркынычы яный

Республика Премьер-министры урынбасары Ирек Сәгыйтов җитәкчелегендәге Гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе утырышында язгы ташкынга әзерлек мәсьәләсе каралды.

Без яшәгән төбәктә сулыкларда язгы ташу апрельнең беренче көннәрендә башлана. Язгы ташкын чорында Балтач районында 2 авыл – Сәйтәк һәм Илекәй авылларына су басу куркынычы яный. Быелгы елның кар-бураннарга бай булуын исәпкә алганда, су басу куркынычы зур.

Башкортстан Республикасы Премьер-министры урынбасары Ирек Сәгыйтов җитәкчелегендәге Башкортстан Республикасы Гадәттән тыш хәлләрне кисәтү һәм бетерү, янгын куркынычсызлыгын тәэмин итү комиссиясе утырышында сүз язгы ташу чорына һәм 2022 елгы янгын куркынычы сезонына әзерлек турында барды.