Начар авылында янгында бер кешенең гомере өзелде...

Узган шимбәдә Начар авылында янгын чыгып, бер кеше һәлак булды...

Янгын күзәтчелеге инспекторы Булат Хәсәнов белдерүенчә, янгын баш калкытуы турында 17.09 сәгатьтә хәбәр килә. Янгын сүндерү расчетлары шундук бәла урынына ярдәмгә ашыга.

Кызганычка каршы, ялкын телләре аяусыз, өйне, барлык каралты-кураларны ялмап ала. Иң аянычлысы, янгында ялгызы яшәгән, авыру хәлдәге 1934нче елда туган хатын-кыз һәлак була...

Әлеге вакытта янгын чыгуның сәбәпләре ачыклана.

Ут берәүне дә аямый. Саклык чараларын хәтердән чыгармыйк. Үзебезне, якыннарыбызны һәр төрле бәлаләрдән саклыйк!