Башкортстанда аерым категория гражданнарга янгын чыгуны хәбәр итә торган җайланмалар биреләчәк

Башкортстанда хәрби хәрәкәтләрдә катнашкан ветераннарга һәм инвалидларга, шулай ук 1927 елның 22 июненнән 1945 елның 3 сентябренә кадәр туган гражданнарга, ягъни «сугыш чоры балаларына» янгын чыгуны хәбәр итә торган җайланманы бушлай бирү хокукы өстәлә. 

 Бу хакта социаль челтәрләрдә БР гадәттән тыш хәлләр буенча дәүләт комитеты рәисе Фәрит Гомәров сөйләгән.

Аның сүзләренә караганда, Башкортстан – республика халкын республика бюджеты акчалары хисабына 12 категория буенча янгын чыгуны хәбәр иткән җайланмалар белән тәэмин итүче бердәнбер Россия төбәге. Бүгенге көнгә кадәр андый җайланманы 9 категория гражданнарны бушлай ала алды.

Фото