Башкортстанның баш санитар табибы COVID-19 авырулары санының кимү сәбәпләрен атады

Анна Казак шулай ук антиваксерлар турында да белдерде.

Башкортстанның Кулланучылар хокукларын яклау һәм кеше иминлеге өлкәсендә күзәтчелек федераль хезмәте җитәкчесе Анна Казак яңа коронавирус инфекциясенә каршы прививкаларга һәм регионда кертелгән чикләү чараларына каршы, аларның конституцион хокуклары бозылу турында белдермәскә, ә илнең Төп Законын игътибар белән укырга киңәш итте.

"Конституцияне аның аерым главаларын гына түгел, ә тулысынча укырга кирәк. Россия Федерациясе субъектлар белән бергә халыкка үз сәламәтлеген саклау буенча мәдәниятне тәрбияләргә тиеш. Конституциянең 55 статьясы дәүләткә нинди дә булса чикләү чаралары, шул исәптән җәмгыять сәламәтлеген саклау өчен кирәк булса, ирек буенча да кертү хокукы бирә”,-дип белдерде Анна Казак БСТ телеканалындагы «Интервью» программасында.

Спикер билгеләп үткәнчә, бүген Башкортстанда COVID-19 авыруы буенча хәл тотрыклы. Үсеш соңгы ай дәвамында юк. Эпидемиологлар бәяләвенчә, бу берничә факторга бәйле: вакцинацияләүнең югары дәрәҗәсе, кертелгән чикләү чаралары белән.

Фото: Башинформ