Дүртөйле районында фаҗига: көтүчене яшен сугып үтергән

Көтүченең үзе белән бергә аты да җан биргән.Кичә, 15 июльдә, 18.45 сәгатьтә Казы-Җилдәк авылы янында көтүченең һәм атның үле гәүдәләре табылган. Үлем яшен сугу нәтиҗәсендә булган, дип фаразлыйлар.

Көтүченең үзе белән бергә аты да җан биргән.
Кичә, 15 июльдә, 18.45 сәгатьтә Казы-Җилдәк авылы янында көтүченең һәм атның үле гәүдәләре табылган. Үлем яшен сугу нәтиҗәсендә булган, дип фаразлыйлар.

Дүртөйле районының Байгилде, Казы-Җилдәк, Турбәк, Җилдәк, Сабанай, Баргат, Бәдрәк авылларында һава торышы начарлану сәбәпле электроэнергия сүнгән. Әле тиешле тергезү эшләре бара.

Коткаручылар җиткергән хәвефсезлек чараларын искә төшерик:
Яшен вакытында телефонны сүндерегез, кулчатыр кулланмагыз;
Ялгыз агач янында яшеренмәгез. Статистика буенча, аеруча имән, нарат, тополь куркыныч;
Яшеренер урын булмаса, җиргә ятарга яисә коры чокырга, траншеяга утырырга кирәк. Гәүдә җирнең мөмкин кадәр аз мәйданына тисен;
Яшен вакытында су кермәгез, велосипедта йөрмәгез;
Биектә булсагыз, аска төшегез;
Машинада барсагыз, туктагыз, тәрәзәләрне ябыгыз, радионы сүндерегез;
Велосипед һәм мотоцикл яшен вакытында куркыныч тудыра. Аларны җиргә яткырып, 30 метр читкә китеп торырга кирәк. Металл әйберләрдән арыныгыз. Муенса, алка, балдак ише әйберләрне салып кую хәерле. Кагыйдәләрне үтәү күп бәлаләрдән сакларга мөмкин.