Башкортстанда Яңа ел каникулларында спиртлы эчемлекләр сату режимы үзгәрде

Бу көннәрдә хәмер нинди сәгатьләрдә сатылачак?

Дәүләт Җыелышы – Корылтай депутатлары Яңа ел бәйрәмнәрендә хәмер сату режимын үзгәртте. Дөресрәге, Яңа ел каникуллары чорында алкоголь продукциясе сату режимына үзгәрешләр кертүче закон кабул итте.

 «Бу тема буенча парламент мәйданчыгында фикер алышынды һәм гражданнарда зур отклик уятты, - дип аңлатты Дәүләт Җыелышы рәисе Константин Толкачев. - Башта сәүдә һәм хезмәт күрсәтү министрлыгы гыйнвар башында алкогольне ваклап сатуга өстәмә чикләүләрне тулысынча бетерергә тәкъдим итте. Әмма гражданнар мөрәҗәгатьләрен һәрьяклап тикшергәннән һәм өйрәнгәннән соң, компромисслы карар кабул ителде: чикләүләрне төшермәскә, аларны йомшартырга. Республикада 3 гыйнварда гамәлдә булган алкогольне сатуны тулысынча тыю гамәлдән чыгарыла. Моннан тыш, 4 гыйнвардан 6 гыйнварга кадәр сату вакыты да озайтыла».

Хәзер республикада алкогольле продукцияне ваклап сатуның түбәндәге режимы билгеләнә:

3 гыйнварда — 8дән 17 сәгатькә кадәр,

4 гыйнвардан 6 гыйнварга кадәр – 10нан 17 сәгатькә кадәр.

 Калган көннәрдә 8дән 23 сәгатькә кадәр гадәти режим гамәлдә булачак. (Исегезгә төшерәбез, элек 3 гыйнварда алкогольне ваклап сатуны тулысынча тыю гамәлдә булган иде, 4 гыйнвардан 6 гыйнварга кадәр сату 10 сәгатьтән 14 сәгатькә кадәр чикләнгән иде).

"Алкоголь базарындагы хәлнең яхшыруы чикләүләрне йомшарту өчен нигез булды, – дип билгеләп үтте Константин Толкачев. - Бу өлкәдә мәҗбүри таләпләрнең үтәлешен контрольдә тоту көчәйтелде. Чикләүләр гамәлдә булган чорда республикада Яңа ел каникуллары чорында спиртлы эчемлекләрне артык куллану нәтиҗәсендә агуланудан үлүчеләр саны сизелерлек кимегән".

2022 елның Яңа ел каникуллары чорында Башкортстанда алкогольле продукция ничек сатылачак:

1 гыйнвар-8 сәгатьтән 23 сәгатькә кадәр

2 гыйнвар-8 сәгатьтән 23 сәгатькә кадәр

3 гыйнвар-8дән 17 сәгатькә кадәр

4 гыйнварда-10 сәгатьтән 17 сәгатькә кадәр

5 гыйнвар-10 сәгатьтән 17 сәгатькә кадәр

6 гыйнварда-10 сәгатьтән 17 сәгатькә кадәр

7 гыйнварда-8дән 23 сәгатькә кадәр

8 гыйнвар-8 сәгатьтән 23 сәгатькә кадәр

9 гыйнварда-8дән 23 сәгатькә кадәр

Аида Хәйртдинова фотосы