Бүген республика төбәкләрендә кар яуган

Хәбәрдарлык чараларында, социаль челтәрләрдә республика төбәкләрендә беренче кар яву турында бәян итәләр.

Бүген иртәнгә җир өстен кар каплавы уфалыларны хәйран калдырган. Сүз дә юк, беренче кар кайберәүләрнең кәефен төшергән. Чөнки октябрьның беренче көннәре өчен хас булмаган күренеш бу. Ә көндез кар явуы тагын да көчәйгән. Черниковка, Дим, “Зеленая роща” бистәләрендә, шулай ук Уфаның үзәк өлешендә җиргә кар яткан.

Соңгы тапкыр октябрь аена хас булмаган салкыннар Уфада 1968 елда теркәлгән. Ул чакта Уфа-Аэропорт метео станциясендә термоометр -7,2 градус күрсәткән икән.

Ерак йөрисе юк, бүген Тәтешле районында да кар яуган. Шулай ук Кыйгы районында да җир өстен кар юрганы каплавы турында хәбәр алдык