Яңа ел табынына

Аш-су блогеры Илүзә Хөснетдиновадан Яңа ел табынына җиңел генә ясала торган биш төрле салат рецептынәкъдим итәбез.

«Җилкән» салаты өчен: ысланган тавык ите, корейча кишер, кукуруз, йомырка, чипсы, майонез.

Бу катлы салатка ингредиентларны язылган тәртиптә салырга һәм һәр кат саен майонез салырга. Ә чипсына вакларга һәм табынга чыгарыр алдыннан гына салырга кирәк.

«Ананаслы салат» өчен: тавык түше ите, йомырка, каты сыр, консервланган ананас, әстерхан чикләвеге, майонез.

Тавык итен пешергәч саламлап турарга яки алдан турап, тәмләткечләр кушып, табада кыздырып алырга.

Ингредиентларны язылган тәртиптә салырга һәм һәр катын майонез салырга, иң өске катта чикләвек булачак.

«Патшабикә» салаты өчен: пешкән сыер ите, майда кыздырылган суган, корейча кишер, төшсез караҗимеш, әстерхан чикләвеге, майонез.

Итне, кара җимешне һәм чикләвекне турарга кирәк. Аннары барлык ингредиентларны шул тәртиптә салып, катлап ясарга.

«Каенкай» салаты өчкен: шампиньон гөмбәсе (маринадланганы да ярый), суган, ысланган тавык түше, караҗимеш, йомырка, яңа өзелгән кыяр, каты сыр, майонез.

Шампиньонны турарга, суганны ваграк итеп турарга һәм үсемлек маенда кыздырырга. Тавык түшен, караҗимешне һәм кыярны саламлап турарга, сырны угычтан уарга.

«Тиффани» салаты өчен: ысланган тавык түше, әстерхан чикләвеге, каты сыр, виноград.

Тавык итеп шакмаклап турарга, чикләвекне ваграк итеп турарга, сырны эре угычтан уарга, виноградны урталай кисәргә, һәм төшләрен алырга, салатның иң өстенә тезәргә.

Чыганак