+6 °С
Болытлы
Барлык яңалыклар
Файдалы киңәшләр
21 март 2022, 13:53
Миләүшә гөле
Бу гөлнең үстерү серләрен беләсезме?
Миләүшә гөле (фиалка) тәрәзә төпләрен ел әйләнәсенә бизи. Аның берничә төре бар: хуш исле миләүшә, ала миләүшә, болын миләүшәсе, тау миләүшәсе һ.б. Бу гөлне сенполия дип тә йөртәләр. Ул зур түгел, әмма елына берничә тапкыр чәчкәгә күмелә.
Миләүшә гөленең сабы кыска, яфраклары бер төптән күп чыга. Чәчкәләрнең диаметры якынча 3 см. Гөлне тәрбиләү бик авыр түгел: тик шуны гына онытмаска кирәк - бу гөл яктылыкны ярата, әмма туры төшкән кояш нурларыннан шиңә. Төньякка караган тәрәзә төпләрендә үстерү отышлы. Җилне яратмый, шуңа күрә балконга яки бакчага чыгарырга кирәкми.
Су сибү - тәрбиянең мөһим өлеше. Суны гөл астындагы савытка салалар. Савыттагы туфрак суны сурып алгач, калган суны түгәләр. Яфрак, чәчкәләргә өстән су сибергә ярамый. Суны алдан алып куеп, аның бүлмә җылылыгында булуы мөһим. Бүлмә җылылыгы ел әйләнәсенә 18-20 градус булганда, гөл яхшы үсәчәк.
Яз, җәй чорында миләүшәләрне тукландыру яхшы. Моның өчен минераль ашламалар кулланыла. Үрчетү өчен яз, җәен яфракларын алып, сусыз куялар һәм тамырлары күренгәч, туфракка утырталар. Башта кечерәк савытта үстереп, соңыннан зурына күчерәләр. 6-10 ай үскәч, чәчәк ата башлыйлар. Читтән чыккан сабакларны алып ташларга кирәк. Шул чакта чәчәкләр күбрәк була. Ел саен миләүшә гөлен күчереп утыртырга кирәк.
Читайте нас:
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571