Балтач таңнары
-20 °С
Болытлы
Барлык яңалыклар
Фаҗигаләр
6 апрель 2018, 14:00

Татарстанның Балтач районында шагыйрә ханымны ире яндырып үтерә язган

Бу хәлгә шагыйрәнең мәхәббәт турында әсәре сәбәпче булган. Ир үзенең хатынын, шигырь чыгарганы өчен, бензин сибеп яндырып үтерү турында карарга килә.

Бу хәлгә шагыйрәнең мәхәббәт турында әсәре сәбәпче булган. Ир үзенең хатынын, шигырь чыгарганы өчен, бензин сибеп яндырып үтерү турында карарга килә.
"Татарстан24" телеканалы хәбәр итүенчә, шигырь язучы бу хатынны тирә-яктагы кешеләр яхшы белә икән.
Ул татар телендә туган як, кешеләр турында күңелгә ятышлы әсәрләр иҗат и ткән. Мәхәббәт турындагы шигырен иренә күрсәткәч, ир ярсыган. Сөяркәсенә язган дип уйлап, хатынына ут төртергә керешкән.


Гараждан чиләк белән бензин алып кереп, креслода утырган хатын өстенә сипкән. Ул ут төртергә өлгергәнче, күрше бүлмәдән туганы кереп, ирне төртеп җибәргән. Бензин сеңгән кәнәфи яна башлаган.


Утны сүндергәндә, бу ир үзе дә пешеп беткән.


Хәзерге вакытта ир сак астында, аңа карата җинаять эше ачылган, дип яза Интертат.