Барлык яңалыклар
Фаҗигаләр
19 март 2018, 13:46

Благовещен районы җирлегендә теркәлгән авриядә кече яшьтәге ике бала һәлак булган

Кичә Благовещен районы җирлегендә Уфа-Яңавыл юлының 57нче километрында, кеше үлеменә китергән юл-транспорт һәлакәте теркәлгән.


Кичә Благовещен районы җирлегендә Уфа-Яңавыл юлының 57нче километрында, кеше үлеменә китергән юл-транспорт һәлакәте теркәлгән.
Николаевка авылы тирәсендә «Лада Приора» һәм “Ивеко” йөк ташу автомашиналары бәрелешкән. Җиңел автомашина руле артында Мишкә районыннан 31 яшьлек водитель. Җизнәсенең автомашинасына үзенең тормыш иптәшен һәм яшь тә тугыз айлык улын утыртып ул Уфага табан юлланган булган. Шулай ук салонда яшь ярымлык кызы белән Бөре районныннан пассажир ханым һәм автомобиль хуҗасының тормыш иптәше дә утырып барган була.
Авариягә начар һава шартлары сәбәпче булган, дигән фикердәләр. «Лада Приора» водителе идарәне югалтып каршы хәрәкәт полосасына чыккан. “Ивеко” белән бәрелү шулкадәр каты була, салондагы ике бала махсус утыргычта булсалар да вакыйга теркәлгән урында һәлак булалар. Шушы ук авариядә җиңел автомобиль хуҗасының тормыш иптәшенең дә гомере өзелгән.

Мәгълүмат һәм фотолар Башкортстан Республикасы Баш дүләт автоинспекторы Блогыннан.

Читайте нас в