Барлык яңалыклар
Фаҗигаләр
6 октябрь 2017, 11:20

Борайда янгыннан зыян күргән гаиләгә балаларын приютка тапшырырга тәкъдим иткәннәр

Борайда янгыннан зыян күргән Шәйнуровлар гаиләсенә шаккатырлык тәкъдим ясаганнар.

Горобзор мәгълүмат порталы хәбәр итүенчә, янгыннан зыян күргән гаиләгә район бюджетыннан 15 мең сум күләмендә ярдәм күрсәтелгән.


Янгыннан зыян күргән Шәйнуровларга аз семьялы гомум торак тибындагы өч катлы йорттан бүлмә биргәннәр. Бүләмнең гомум мәйданы 20 квадрат метр. Ә анда күченгәнче гаиләгә балаларын вакытлыча приютка тапшырырга тәкъдим иткәннәр. Бу тәкъдимгә Шәйнуровлар шакката һәм, әлбәттә, алар моннан баш тарталар.


Мәгълүмат порталына район Хакимияте башлыгы Борис Нурисламов хәбәр итүенчә, янгыннан зыян күрүчеләрне район резервтагы торак белән тәэмин итә алмый. Чөнки Борайда андый торак юк. Ә гомум торактагы бүлмәдән, үзләре яңадан өй җиткергәнгә кадәр күп еллар таләп ителсә дә, аларны беркем дә куып чыгарырга җыенмый, дип билгеләгән район җитәкчесе.
Читайте нас в