Һәлакәт егерме яшьлек водительнең гомере өзелүгә китергән

Уфа-Яңавыл автотрассасының 33нче километрында "Нива" һәм КамАЗ автомашналары бәрелешүедән 20 яшьлек водительнең гомере өзелгән.

28 сентябрь төнендә Благовещен районы җирлегендә кеше үлеменә китергән юл һәлакәте теркәлгән.

Уфа-Яңавыл автотрассасының 33нче километрында "Нива" һәм КамАЗ автомашналары бәрелешкән. Авария нәтиҗәләрен фотолардан ачык күрергә мәмкин. Бәрелешү хәтта КамАЗны юл читенә атып ташлаган. Ә җәймәгә әверелгән "Нива" кузов детальләре тирә-якка сибелгән. Иң аянычлысы, җиңел автомобиль белән идарә иткән 20 яшьлек водитель фаҗига урынында һәлак булган.

Авариягә кайсы автомобиль водителе сәбәпче булганлыгы турында мәгълүмат юк.

Мәгълүмат һәм фотолар Башкортстан Республикасы Баш дәүләт автоинспекторы Блогынан алынды

Читайте нас