Ураза серләре турында хәдисләрдән

Ислам галимнәре моны уразага үз-үзеңне канәгатьләндерү һәм мактану иң аз катнашуы белән аңлата, чөнки ураза көне буе безне беркем дә күзәтә алмый. Нәкъ менә ураза безнең Аллаһы Тәгаләгә никадәр чын күңелдән бирелгәнебезне тикшерә.

Рамазан аенда ураза тоту - Аллаһы Тәгаләнең гафу итүенә ирешү мөмкинлеге

       "Рамазан аенда иман һәм яхшы җәзага өмет белән ураза тоткан кешегә элек кылган гөнаһлары кичереләчәк" (Әл-Бухари, Мөслим риваятьләре). Бу хәдиснең башка риваятендә: "Рамазан аеның төннәрен гыйбадәттә үткәргән, Аллаһыдан гына савап көткән дин әһеленең барлык үткән гөнаһлары гафу ителәчәк" (Әл-Бухари риваяте).

       "Рамазан ае рамазан аеның башка ае (үткән ел) өчен котылу булып тора. Алар арасында кылынган гөнаһлар (зур гөнаһлардан кала) Аллаһы тарафыннан кичерелә" (Мөслим, Тирмизи риваятьләре).

        Аллаһының Рәсүле саллаллаһү гәләйһи үә сәлләмнән хәбәр ителә: "Һәр кич авыз ачкан вакытта газиз (көчле) һәм җәлил (бөек) булган Аллаһы анда (җәһәннәмгә) барырга тиешле меңнәрчә кешене уттан азат итә..." (Байхаки риваяте).

Ураза тотучының догасы кабул ителергә мөмкин — шуңа күрә нәкъ шул вакытта дога кылу аеруча мөһим

       Мөхәммәд пәйгамбәр саллаллаһү гәләйһи үә сәлләмнән әйткән: "Рамазан аенда Аллаһыны искә алучылар (зикер итүчеләр) гафу ителә, Аллаһыдан сораучыларның догалары кире кагылмаячак" (Мөслим риваяте). 

       Әбу Хурайра, Аллаһы Тәгалә аңардан разый булсын, Рәсүлүллаһ саллаллаһү гәләйһи үә сәлләмнең сүзләрен җиткерде: "Өч төркем кешеләр бар, аларның догалары кире кагылмый: беренчесе ураза тотучы, икенчесе гадел хаким, өченчесе җәберләнгән кеше" (Әхмәт, ат-Тирмизи риваятьләре).

Лира Гафиуллина.

Дәвамы бар.