Мөхәммәд салләллаһу галәйһи вә сәлләм: “Ураза ул — калкан (бу тормышта гөнаһлардан, ахирәттә җәһәннәм утыннан). Сезнең берәрегез ураза тотса, тиргәшмәсен, кычкырмасын. Әгәр аның белән тиргәшсәләр: «мин ураза тотамын», - дип әйтсен”. Тискәре эмоцияләрне киметү һәм уңай энергияне максимальләштерү, бушаган энергияне файдалы эшләргә юнәлтү мөһим. Намаз вакытлары буенча, кайчан ашарга һәм кайчан ярамый икәнен ничек билгеләргә? Фәҗр-иртәнге намаз вакыты башланганчы ашарга һәм эчәргә мөмкин. Кояш чыкканчы якынча бер сәгать ярым кала. Иртән намаз вакыты кергәнче берничә минут алдан ашау-эчүдән туктарга. Мәгриб кич кояш баегач намаз вакыты керә һәм ифтар кылына. Сәхәр ашамый уразага керү дөресме? Иртәнге ашның мөһимлеген Мөхәммәд салләллаһу галәйһи вә сәлләмнең түбәндәге сүзләре раслый: "Таң алдыннан ашагыз! Шиксез, иртәнге сәхәр ризыгында бәрәкәт». Иртәнге аш бик кирәкле. Әгәр йоклап калсагыз, мөмкинчелегезгә карап ураза тотсагыз була.
Кайсы очракларда кеше уразаны калдыра ала?
- каты авырып киткәндә,
- акылдан язганда,
- юлга чыкканда һәм аның өчен ураза тоту авыр булганда,
- хатын-кыз йөкле булса,
- хатын-кызның хәйез вакыты башланса.
Лира ГАФИУЛЛИНА.