Түбән Сикиязда “Дружба – это здорово” уен программасы үтте

Дуслык балага кызыксынулар белән якын булган кешеләрне генә биреп калмый, бер-береңне ихтирам итү, ышану кебек бик яхшы сыйфатларга да өйрәтә.

Моны аларга аңлату өчен Түбән Сикияз мәдәният йорты хезмәткәрләре китапханә белән берлектә көндезге лагерьда ял итүче балалар өчен “Дружба – это здорово” уен программасы үткәрде. Чара барышында оештыручылар егет һәм кызларга кешенең дуслардан башка бәхетле була алмавын сөйләде, дуслыкны байлык та, дан да алыштырмаганны аңлатты. Дуслыкны яулау өчен үзенә дә тәртипле, акыллы, тугры, ышанычлы булырга кирәк. Чөнки чын дуслар – мәңгелек.

Ары таба төрле уеннар, мастер-класслар үткәрелде.