Басуларда эшләр гөрли

Районыбыз басуларында эшләр бер-берсен алыштырып тора. Әле кайчан гына басулар чәчелгән иде. Ә хәзер аларның мул уңышларын җыеп алыр вакыт та җитте.

Әлеге көннәрдә  “А7 Агро-РБ” җәмгыяте игенчеләре арыш уруга төште. Уңышны югалтуларсыз җыеп алу өчен  комбайнчылар, водительләр вакыт белән исәпләшми, тырышып эшлиләр.

Комбайнчыларга уңышларны 6500 гектарда җыеп алу бурычы тора. Шуның 1000 гектары – арыш, 900 гектар – бодай, 900 гектар – карабодай, 1400 гектар – рапс, 1750 – җитен.

Һава шартлары игеннәр өчен яхшы булды: җәй башында үсеп китәр өчен яңгырлар да булды, хәзер инде аяз һәм эссе көннәр. Ашлыкны түкми-чәчми җыеп алу өчен “А7 Агро-РБ” җәмгыятендә  комбайннар да, башка төр техника да, ындыр табаклары да алдан ныклап әзерләнгән.

Тулы язманы “Балтач таңнары” гәзитендә укый аласыз