Балтач районының “Россия” җәмгыятендә биналарның түбәләре кардан тазартыла

“Россия” җәмгыятендә көчле бураннардан соң авыл хуҗалыгы биналарының  түбәләрен һәм корылмаларның тирә-ягын кардан чистартырга чыктылар.

Балтач районының аграр секторы җитәкчеләре алдында торган төп бурычларның берсе  — биналарның һәм корылмаларның түбәләрен кардан чистарту, кыш көне күпләп кар явып киткәннән соң, бозлар барлыкка килү һәм аларның түбәләреннән стихияле төшүен булдырмау. Бары тик үз вакытында кардан чистарту, түбәләрдә барлыкка килгән боз сөңгеләрен бетерү генә һәлакәтләрдән һәм бәхетсезлек очракларыннан сакланырга, гражданнарның мөлкәтенә һәм сәламәтлегенә зыян китермәскә мөмкинлек бирә. Бу максаттан «Россия» җәмгыяте хезмәткәрләре кар яуганнан соң түбәләрне һәм корылмаларның тирә-ягын кардан чистартуга чыктылар.