-5 °С
Болытлы
Барлык яңалыклар
Авыл хуҗалыгы
22 февраль 2019, 11:49
Фермерларга ярдәм күрсәтелә
Фермерларга ярдәм күрсәтелә
Агымдагы елда республика фермерларына дәүләт ярдәме 1,1 миллиард сум тәшкил итәчәк, шуның 740 миллион сумы федераль бюджеттан бүленәчәк. Бу турыда Башкортстан Башлыгы вазыйфасын вакытлыча башкаручы Радий Хәбиров рәислегендә узган оператив киңәшмәдә вице-премьер вазыйфасын башкаручы, авыл хуҗалыгы министры Илшат Фазрахманов хәбәр итте.
Сүз яңа эш башлаган фермерларга, гаилә терлекчелек фермаларына, авыл хуҗалыгы кооперативларына булышлык итү, зур керемле предприятиеләр булдыруга ярдәм итәчәк программа буенча түләнеләчәк акчалар турында бара.Илшат Фазрахманов сүзләренә караганда, бүген Башкортстанда 6,5 меңнән артык фермер хуҗалыгы эшли. Узган ел нәтиҗәләре буенча, алар җитештергән продукциянең тулаем күләме 17,5 миллиард сум тәшкил иткән. Әлеге күрсәткеч буенча республика Идел буе федераль округында өченче урынны били.
Узган елдан башлап Башкортстанда аерым хуҗалыкларны һәм башка товар җитештерүчеләрне авыл хуҗалыгы кулланучылар кооперативларына берләштерү буенча башлангычларга нигезләнгән проектларны үстерү буенча программа старт алды. Аңа ярашлы, 118 яңа кооператив булдырылды. Бу республикага Русия төбәкләре арасында әлеге күрсәткеч буенча лидер булырга ярдәм итте. Алар барысы да гомум суммасы 300 миллион сумлык грант алды.
2020 ел ахырына, 4,5 мең хуҗалыкны җәлеп итеп, 450 кооператив оештыру планлаштырыла.
Чыганак Кызыл таң
Читайте нас:
Редакцияне сайлау
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571