Балтач таңнары
-13 °С
Болытлы
Барлык яңалыклар
Авыл хуҗалыгы
27 сентябрь 2018, 12:00

„Луч” җәмгыятендә кышка җәйдән әзерләнәләр

Чикләнгән җаваплылыктагы „Луч” җәмгыятенең Түбән Сикияз авылындагы сөтчелек фермасында кышлату чорына җәй башыннан әзерлек эшләрен җәелдерделәр.

Чикләнгән җаваплылыктагы „Луч” җәмгыятенең Түбән Сикияз авылындагы сөтчелек фермасында кышлату чорына җәй башыннан әзерлек эшләрен җәелдерделәр.
260 баш савым сыеры, тана, симертү төркемендәге үгез маллары асралган ферма объектлары еллар узу белән тузып, ремонт таләп итә башлаган иде.
Терлекләрне җәйләүгә аяк бастыргач, объектларда җәмгыять эшчәннәре көче белән ремонт башладылар. Ферманың сөт блогы, котельныйның түбәсен заманча материал — калайга алыштырдылар. Аннары сыер маллары асралган абзарга өр-яңа транспортёр урнаштырдылар. Өлешләтә идән такталарын яңарттылар.
Җәмгыять директоры Марат Габидуллин уңганнар эшеннән канәгать. Җәмгыятьнең алтын куллы эретеп ябыштыручысы Ринат Сафин (рәсемдә уңда), слесарь Рудик Фәрваев (сулда), Мәүлетҗан Хисаметдинов, өлкән бригадир Рәис Зарапов һәм башка үз эшенең осталарын салган тырышлыклары озак еллар хезмәт итсен, дигән уртак теләк берләштерә.