Балтач кыларына каравы күңелле

Быел һава шартлары безнең төбәк игенчесен башка төрле сынады. Моңа кадәр корылык аның кәефен төшереп килсә, быел дәвамлы яңгырлар басуда хезмәт салганнарның бермәлне өметен бөтенләй сүрелдергән иде.

Язгы кыр эшәренә игенче күпьеллык саналган вакыттан күпкә соңлап кереште. Шулай да Балтач игенчесе, халык теле белән әйткәндә, кеше рәтеннән Сабан туен үткәрде. Шулай ук яшел урак эшләренә соңлап тотынган игенче терлекчелек тармагын җитәрлек күләмдә терлек азыгы белән тәэмин итеп булырмы, дип шөбһәләнеп торган иде. Мәэюслеккә бирелүләр юкка гына булган икән. Бүген, хәтта, 2019 елның кышкы чорында терлекчелек продукциясе җитештерүне тәэмин итәрлек күләмдә терлек азыгы туплаган хуҗалыклар да бар. Эссе көннәрргә ярлы килгән быелгы җәй икмәк культуралары уңышы өлгерүен беркадәр кичектерде. Кайбер басуларда сабанашлык икмәк культуралары уңышы өлгерә алырмы, дигән шик тә бар. Шул ук вакытта сабаншлык икмәк культуралары уңышы уҗым культуралары башакларыннан иртәрәк өлгерү мисалы да бар.( "Рассвет" җәмгыятендә арышлар өлгергәнче үк арпа уңылын җыеп алуга тотынулары турында бәян иткән идек.)

–Күп еллар басуларыбызны корылык куырганнан соң, быел Балтач кырларына каравы күңелле. Район басуларыннан рекордлы күләмдә иген җыеп алу өмете бар. Табигать ничек кенә сынаса да, игенче алга карап эш итәргә тиеш. Үстерелгәнне җыеп алу белән беррәттән, алдагы уңыш нигезе салына. Уҗым культураларын чәчү фронтында бүге6ән җиң сызганып эшкә тотынырга кирәк.,--диде, Илгиз Субушев, сәяхәткә нәтиҗә ясаганда.

--Чәчүлек начар кышлаган иде. Басу өстендә кышын калын кар катламы ятты. Үсемлекләр гөмбә авыруларына бирелгәнлектән, кар эреп беткәндә биредә кара җир ята иде. Миңа бу чәчүлекне бозып чәчәргә киңәш иттеләр. Ә мин белгечләр белән киңәшләштем. Үсемлекләрнең сабаклары гына корыган. Тамырлары исән. Чәчелекне фнгицидлар белән эшкәртергэ киңәш бирделәр. Шулай эшләдек һәм менә нәти әне күреп торасыз,--диде Рөстәм Дилмиев, кайчак белгечләр белән кҗңәшләшергә дә кирәклегенә басым ясап.

Ә кайчак табигать казасы төзәтә алмаслык зыян китерә шул. Белгечләр "Восток" җәмгыятендә боз сугудан зыян килгән басуларны да күрделәр. Җан әрнеткеч хәл. 20 июль көнендә барлыгы 280 гектарда арыш, бодай, солы басулары өстеннән эре-эре бозлар явып үткән. Югалту миллион сумнарда исәпләнә.

Үстерелгәнне югалтуларсыз җыеп алу максаты белән янып- көйгән җитәкчеләр:"Табигать инде тагын да сынаулар бирмәсә иде ,"--дигән теләкләр белән таралышты.