-6 °С
Болытлы
Барлык яңалыклар
Авыл хуҗалыгы
16 июнь 2017, 17:34
“Сабанчы көне”ндә пар җирләрен эшкәртүгә старт бирелде
Бүген районда үткән „Сабанчы көне”ндә пар җирләрен эшкәртүгә старт бирелде.
—Булган байлык файдаланылырга тиеш. Ә безнең төп байлыгыбыз—җир. 1989-1991 елларда Башкортстанда сөренте җирләр киңлеге 4,5 миллион гектар тәшкил итсә, соңгы елларда сөренте җирләрнең 3,5 миллион гектары гына файдаланыла. Республика киңлекләрендә 200 мең гектар җирләр бөтенләй файдаланылмый. Ә Европада җирнең кадерен беләләр бит. Алар уңдырышлылыгы түбән басуларны да эшкәртеп уңыш алалар. Җир эшкәртү өлкәсендә без эшне алар үрнәгендә оештырырга тиешбез. Әйе, бүген яңгырлар комачаулый. Ә былтыр җәй коры килгән иде. Һава шартларына гына сылтарга ярамый. Шуның өчен технология дигән төшенчә бар,—диде Башкортстан Республикасы Авыл хуҗалыгы министры Илшат Фазрахманов, бүген районда үткән „Сабанчы көне”ндә бәйгедә катнашкан механизаторларга мөрәҗәгать итеп.
„Сабанчы көне”ндә районда пар җирләрен эшкәртүгә старт бирелде.
—Бүгеннән 2018 ел уңышына нигез салу башлана. 12 мең гектарда уҗым культуралары урнаштырырга планлаштырабыз. Күп еллар файдалынлмый торып, әйләнештән чыккан басуларны кире культуралаштыру максаты да куйдык,—диде район Хакимияте башлыгы Илгиз Субушев, алда торган бурычларны билгеләп.
Район Хакимиятенең авыл хуҗалыгы бүлеге начальнигы Фларит Хәбипов билгеләвенчә, район игенчеләре пар җирләрен эшкәртүгә керешергә күптән әзер иде. Ләкин һава шартлары эшне тоткарлап килде.
Бүгенге „Сабанчы көне”ндә 70кә якын механизатор катнашты. Моңа кадәрге бәйгедән аермалы буларак, сабанчыларның быелгы ярышы бер урында гына түгел, ә җиде мәйданчыкта үтте. Сүз дә юк, район чигендә урнашкан хуҗалыктан үзәккә кадәр трактор куу кыйммәткәрәк төшә! Шуны истә тотып, быелгы ярышны берничә ноктада оештырырга булдылар. Механизаторлар „Правда” җәмгыяте, дәүләт сорт сынау участогы, „Рассвет”, „Богдан” җәмгыятьләре, „Дильмиев индивидуаль предприятиесе”, Куйбышев исемендәге кооператив басуларында осталыкларын сынады.
Бәйгене оештыручылар сабанчылар слеты кыр эшләре сезоны барышында механизаторларда хезмәт ярышы рухын күтәрүгә булышлык итәр, дигән фикердә.
Читайте нас:
Редакцияне сайлау
© 2024 Сайт газеты «Балтач таннары» . Учредители: Агентство по печати и средствам массовой информации Республики Башкортостан; Государственное унитарное предприятие Республики Башкортостан Издательский дом «Республика Башкортостан».
Новости Балтачевского района
Балтач районы яңалыклары
Балтас районы яңылыҡтары
Новости Балтачевского района Республики Башкортостан
Башкортстан Республикасы Балтач районы яңалыклары
Новости Республики Башкортостан
Башҡортостан Республикаһы яңылыҡтары
Башкортстан Республикасы яңалыклары
Балтач районын увер
Телефон
(34753)20112
Электрон почта
Адресы
РБ. Балтачевский район. с.Старобалтачево. ул. Комсомольская 2.
Реклама хезмәте
(34753)21571
Редакция
(34753)21154
Хезмәттәшлек
(34753)21877
Кадрлар бүлеге
(34753)21571