Террорчылыкны булдырмас өчен

Башкорт төньяк-көнбатыш авыл хуҗалыгы колледжы укучылары өчен Балтач районы буенча Эчке эшләр бүлегенең өлкән оперуполномоченные А.Ф. Абраров «Террорчылыкка һәм экстремизмга каршы тору, балигъ булмаганнар арасында хокук бозуларны профилактикалау»темасына профилактик әңгәмә үткәрде.

Очрашуның максаты балигъ булмаганнарның экстремистик эшчәнлектәге хокук бозуларын кисәтү һәм булдырмау, яшьләр арасында радикаль идеяләр таралуны булдырмаудан гыйбарәт. Әңгәмә барышында ул, бигрәк тә хәзерге вакытта, теләктәшлек һәм толерантлыкның мөһим роле һәм кыйммәтләре турында аңлатты. Ул укучыларга «террорчылык» төшенчәсенең мәгънәсен аңлатты, яшьләр арасында явыз ниятлеләрне агитацияләүнең төрле ысуллары турында сөйләде һәм террорчылык куркынычы булганда үз-үзеңне тоту кагыйдәләре турында мәгълүмат бирде, бүген яшьләр экстремизмы нигездә социаль челтәрләр аша тормышка ашырыла, дип аңлатты. Социаль челтәр битләрендә шәхси һәм башка мәгълүмат урнаштыруга аерым игътибар бирде, балигъ булмаган укучыларны тыелган символиканы пропагандалау һәм халык алдында күрсәтү өчен административ җаваплылык, экстремистик эшчәнлекне гамәлгә ашыруга гавами өндәүләр өчен – җинаять җаваплылыгы каралуы турында кисәтте. Әңгәмә барышында шулай ук экстремизм күренешләрен кисәтү, укучыларны радикаль юнәлештәге деструктив эшчәнлеккә җәлеп итү мәсьәләләре каралды...