“Уфахипром”да зыянлы калдыклар юк ителәчәк

"Уфахимпром" заводлары биләмәсендәге зыянлы калдыкларны юк итү эше 2022 елда башланырга тиеш.

БРның Табигатьтән файдалану һәм экология министры Урал Искәндәров «Уфа борылышы» программасы эфирында «Уфахимпром» җәмгыяте территориясендә тупланган экологик зыянны бетерү перспективалары турында сөйләде. Сүз бөлгенлеккә төшкән «Уфахимпром» заводы шламонакопительләрендә җыелган 500 мең тонна диоксинлы калдыкларны утильләштерү һәм 46,7 гектар пычранган территорияне рекультивацияләү турында бара.

«Элекке "Уфахимпром" җәмгыяте мәйданчыгында шламонакопительләрдә барлыкка килгән әйләнә-тирә мохиткә салынган зыянны бетерү буенча проект - смета документациясен эшләүгә Контракт 2019 елда Уфа һәм “Размах ГП” җәмгыяте администрациясе арасында төзелде, - дип сөйләде Урал Искәндәров. - Билгеләнгән вакытка проект эшләре башкарылмады. 2020 елның июнендә «Размах ГП» белән контракт өзелә. Якын арада икенче катнашучы белән проектлауга контракт төзеләчәк. «Экология» милли проекты кысаларында проектны финанслауга заявка 2021 елның маена планлаштырылган, бу аны 2022 елда гамәлгә ашырырга мөмкинлек бирәчәк».

2013 елда «Уфахимпром» санациясе буенча эшләрнең бәясе 4 млрд.сумнан артып киткән.

"Башинформ"